九州親子自駕遊-Day 3 (上)

Day 3    7/8/08
(別府海濱砂浴-HARMONYLAND-湯布院)
朝早六點半起來，太陽已經出來了，再到八樓的露天風呂浸，沒有其他人。

露天風呂設於八樓，搭電梯到七樓再上一層，浴場外提供冰凍麥荼飲用。

早餐要到地下享用，和式早餐，其中一條燒魚非常美味……

食過早餐後，回房收拾行李後又經已十時了，基本上帶小朋友同遊，每天可以出發的時間起碼預推遲兩小時，行程一定唔可以安排太多，跟住幾日的行程都以此為依據。在沒有時間下，放棄了到其他地獄參觀，接著前去別府海濱熱砂浴場，從旅館沿海直行一會便到了，熱砂浴在對面線,要找地方調頭再轉入去。

入場費1000yen，爸爸要照顧汶汶，又無得玩，媽咪同婆婆去試…..

這個別府熱砂浴場不算大，面對別府灣，旁邊設有免費足湯，只得兩個砂池，規模較以前去過的指宿熱砂浴細好多，據媽咪報告表示砂不算太熱，感覺較指宿的稍遜。

汶汶當然不肯，爸爸只好帶她去浸足湯及飲益力多………..

浸完熱砂浴後約十一時多，跟住開車去harmonyland。十二點前去到，本來剛瞓著的汶汶開始發脾氣，結果去到門口，一見到XO，立即精神，連抱也不用，自己走來走去，入場費2800yen。

由於十二點半有巡遊，所以買定食物在廣場霸定位。其實唔算好多人，巡遊時間約半小時，主題玩噴水，一隻隻卡通人物出場唱歌跳舞，幾好睇架…..汶汶就玩得好開心，又跳又叫，仲出去同主角玩水槍，當然唔少得同XO擁抱，帶小朋友去就唔好錯過……

園內佔地幾大，我們先搭小火車到另一邊。

下一篇 : 九州親子自駕遊-Day 3 (下)