九州親子自駕遊-Day 4 (上)

Day 4   8/8/08
(湯布院-九重夢大吊橋-黑川溫泉)
早上慣例浸多次溫泉，不過還是浸不晒所有風呂。早餐是在地下食，如早幾日一樣，我們差不多是最後一批住客，相信很多住客已check out了。十點幾離開やまだ屋，在門外拍照留念。

本來打算將車泊在旅館，出去湯布院行完後再回來取車。後來費事浪費時間行回來，將車泊在湯之坪附近的停車場，600yen一日。開始在湯布院漫步遊覽，先到B speak買蛋糕。

之後沿湯之坪街道直行，兩旁好多很有特色的小店鋪。

兩隻monchichi合照，

一路行一路落雨，雖然唔大但幾煩，結果都要在小店買兩把傘，一直去金鱗湖的距離不是太遠。但行下睇下，進度緩慢，街道好窄又有分支小路，不時又有車通過，好彩無揸車入來。

媽咪很喜歡這個地方，說跟舊輕井澤銀座很相似，但就更好行及更多野睇，好少聽媽咪咁讚法，不過帶住汶汶都好難盡情購物。

 一個手湯只可阻住汶汶嘈少一陣……

呢間留左好耐時間買野，

中途又下起雨來，只好找家食店午餐，在汶汶帶領下，無得選擇下只好食 ざるそば及うどん……..我想食壽司、燒肉、燒鳥、爐端燒啊……………………

食完飯，雨停了，繼續向金鱗湖方向行……..

金鱗湖其實唔大，到此一遊影張相都差不多要走了……..

按原訂計劃，今日要遊覽湯布院、九重夢大吊橋、九住花公園及黑川溫泉。結果當然是未能完成任務，離開湯布院已差不多兩點，嚴格來說湯布院好多度都未行晒。跟住要去九重夢大吊橋，再去黑川溫泉，九住花公園花公園要放棄了………
下一篇 : 九州親子自駕遊-Day 4 (下)